Cian O’Callaghan

Cuir aithne ar Chian

Is é Cian O’Callaghan Leas-cheannaire na nDaonlathaithe Sóisialta agus is TD é do Chuan Bhaile Átha Cliath. Toghadh Cian chun na Dála ar an gcéad dul síos in 2020 tar éis dó ionadaíocht a dhéanamh dá phobal áitiúil mar chomhairleoir ó 2009. Mar urlabhraí tithíochta, is é an tosaíocht is mó atá ag Cian ná dul i ngleic leis an ngéarchéim thithíochta agus easpa dídine. Thug sé an Rialtas chun cuntais arís agus arís eile mar gheall gur theip orthu déileáil leis na leibhéil is airde chíosa riamh, leis na leibhéil is airde d’easpa dídine riamh, agus leis na praghsanna tí is airde riamh, rudaí a fhágann nach féidir le glúin iomlán tithe dá gcuid féin a cheannach. D’úsáid Cian a chuid ama sa Dáil le réitigh phraiticiúla a chur i láthair ar an ngéarchéim thithíochta. Thug sé billí isteach leis an méid áiteanna cónaithe sóisialta agus inacmhainne atá á soláthar a mhéadú, le cleachtais dúshaothraithe gnéis faoi chomhair cíosa a thoirmeasc agus le cosaint níos mó a thabhairt do chíosaithe. Chuir sé na céadta leasuithe chun cinn ar an reachtaíocht freisin maidir le réimse saincheisteanna, dul i ngleic le folúntas, tús áite a thabhairt do thithíocht inacmhainne, stop a chur le bulc-cheannach áiteanna cónaithe ag cistí infheistíochta, agus deireadh a chur le díshealbhuithe gan locht ina measc.

D’éirigh leis an Stát na mílte áiteanna cónaithe inacmhainne a thógáil roimhe seo i bpobail a bhfuil ag éirí go hiontach leo go fóill, cé go raibh i bhfad níos lú acmhainní ar fáil dúinn. Níl aon chúis mhaith ann nach féidir linn an rud céanna a dhéanamh anois.

Tosaíochtaí Chian

• Na mílte áiteanna cónaithe sóisialta agus inacmhainne a thógáil gach bliain.
• Deireadh a chur le heaspa dídine trí straitéis ‘Tús Áite don Tithíocht’.
• A chinntiú nach gcaitheann leanaí faoi mhíchumas na míonna, agus fiú na blianta, ag feitheamh le Measúnú Riachtanais agus le tacaíochtaí ríthábhachtacha míchumais.
• Dul i ngleic leis an athrú aeráide agus ár mbithéagsúlacht a chosaint do na glúnta atá le teacht.
• Pobail chomhtháite a thógáil ina bhfuil áiseanna ar ardchaighdeán a thiocfaidh faoi bhláth sna blianta atá le teacht.
• Samhail phoiblí cúraim leanaí a bhunú lena chinntiú go bhfuil cúram leanaí inacmhainne atá sábháilte agus ar ardchaighdeán ar fáil do gach leanbh.