Mary Roche

Cuir aithne ar Mary

Is mise Mary Roche, an t-iarrthóir Dála leis na Daonlathaithe Sóisialta i bPort Láirge, agus is comhairleoir do Chathair Phort Láirge Thoir ar Chomhairle Cathrach agus Contae Phort Láirge mé faoi láthair. Rugadh agus tógadh i bPort Láirge mé agus táim an-bhródúil as sin. Cónaím le m’fhear céile, Liam, agus lenár mbeirt leanaí is óige i gCathair Phort Láirge. Tá mo shaol iomlán caite agam le Port Láirge a chur chun feabhais. Chuir mé mo ghnólacht féin ar bun anseo, ba bhall bunaidh de Red Kettle mé agus d’oibrigh mé mar Stiúrthóir ar Chumann Tráchtála Phort Láirge fad is a bhí mé ag obair le WLRfm. Tá mé i m’ionadaí áitiúil ó 1999 agus bhí mé i mo Mhéara ar ár gcathair stairiúil tráth. Tuigim go maith an mianach atá i bPort Láirge – ní hamháin do mhuintir na cathrach nó an chontae amháin, ach do mhuintir na hÉireann. Tá bac curtha ar dhul chun cinn Phort Láirge. Tá drochbhail ar an aerfort, tá bac á chur ar SETU, tá Ospidéal na hOllscoile, Port Láirge an-ghann ar acmhainní agus níor thug an rialtas oiread agus toistiún dúinn gan troid. Caithfimid féachaint as an nua ar an tslí a mbainimid forbairt réigiúnach chothrom amach in Éirinn. Ní féidir le Port Láirge tosú ag dul san iomaíocht, ag fás ná ag forbairt go dtí go bhfaigheann an réigiún cothrom na Féinne ó thaobh infheistíochta de.

Más mian leat troid ar son Phort Láirge níos fearr agus Éire níos cothroime, agus má chreideann tú i bpáirtí atá in aghaidh na héagóra, tabhair dom do vóta céadrogha san olltoghchán atá ar na bacáin.

Tosaíochtaí Mary

• Ár seirbhís sláinte a dheisiú – Sláintecare a chur i bhfeidhm go hiomlán le cúram sláinte uilíoch a bhaint amach agus le dul i ngleic le gannchistiú Ospidéal na hOllscoile, Port Láirge.
• Teacht cothrom ar oideachas – Éagothroime chistithe do SETU a cheartú le níos mó deiseanna oideachais a sholáthar agus le daoine óga a choimeád i bPort Láirge.
• Tithíocht inacmhainne – An córas tithíochta a bhunathrú le háiteanna cónaithe inacmhainne a sholáthar, cosc a chur ar bhulc-cheannach ag creach-chistí, agus cíosaithe a chosaint.
• Ár réigiún a fhorbairt – A chinntiú go ndáiltear infheistíocht phoiblí go cothrom le Port Láirge a fhorbairt agus cothromaíocht a bhaint amach i bhfás na réigiún.
• Dul i mbun gníomhú ar son na haeráide anois – Cur le bonneagar a imríonn tionchar dearfach ar an aeráid, níos mó spásanna glasa a chruthú, agus gealltanas a thabhairt chun dul i mbun gníomhú claochlaitheach ar son na haeráide agus, ar an gcaoi sin, caighdeán na beatha a fheabhsú.