Eoin Hayes

Cuir aithne ar Eoin

Is mise Eoin Hayes, an t-iarrthóir Dála leis na Daonlathaithe Sóisialta i gCuan Bhaile Átha Cliath Theas, agus is comhairleoir do Chamaigh-Ráth Maonais mé faoi láthair. Tá cónaí orm in áit ar cíos ó thosaigh mé amach agus súil agam a bheith i m’úinéir tí amach anseo. Tá cur amach pearsanta agam ar an ngéarchéim thithíochta agus ar an tionchar millteanach a imríonn sé ar theaghlaigh agus ar dhaoine óga ar fud na cathrach. Sin ceann de na cúiseanna is mó a mbeidh mé ag seasamh san olltoghchán. Cónaím i mBaile Átha Cliath 6 le mo chéile agus oibrím mar shainchomhairleoir a chabhraíonn le gnólachtaí beaga fás. Is céimí de chuid Scoil Ghnó Londan mé agus táim paiseanta faoi dheiseanna geilleagracha a chruthú do gach duine. Is iontach an tír í Éire, lán le daoine iontacha, ach caithfidh an pholaitíocht in Éirinn a bheith níos cróga. Creidim go bhfuil bealach níos fearr ann leis an tír a stiúradh agus na fadhbanna is práinní a réiteach, agus tá caighdeán beatha tuillte ag gach duine againn atá chomh maith céanna le haon tír Eorpach eile – seirbhísí poiblí den scoth, bonneagar nua-aimseartha ar a ndéantar cothabháil mhaith, gnólachtaí beaga faoi rath, agus cathair shábháilte. Má aontaíonn tú leis sin, bí páirteach inár bhfeachtas.

Caithfidh an pholaitíocht in Éirinn a bheith níos cróga. Creidim go bhfuil bealach níos fearr ann leis an tír a stiúradh agus na fadhbanna is práinní a réiteach, agus tá caighdeán beatha tuillte ag gach duine againn atá chomh maith céanna le haon tír Eorpach eile.

Tosaíochtaí Eoin

• Áiteanna Cónaithe a Thabhairt do Dhaoine, seachas do Chistí – Caithfidh an Stát agus na comhairlí áiteanna cónaithe inacmhainne, sóisialta agus príobháideacha a thógáil lena ndíol agus lena ligean ar cíos.
• Teaghlaigh a Thógáil – Pleanáil do dhéimeagrafaic atá ag athrú – fáil ar chúram leanaí, infheistíocht thráthúil in áiseanna scoile do gach leibhéal cumais, agus infheistíocht in áiseanna spóirt a bhfuil teacht ag an bpobal orthu.
• Tús Áite a thabhairt don Gheilleagar Cúraim – Sláintecare a mhaoiniú agus a chur i bhfeidhm go hiomlán, lena n-áirítear infheistíocht níos mó i seirbhísí meabhairshláinte agus míchumais chun go bhfaighidh gach duine an caighdeán cúraim atá ag dul dóibh.
• Bonneagar don 21ú hAois – Gréasán iarnróid Bhaile Átha Cliath a leathnú níos tapúla, cosaintí níos fearr ar thuilte, agus infheistíocht i gcóras uisce ghlain.
• Baile Átha Cliath Níos Sábháilte do Gach Duine – Póilíneacht phobail a mhéadú, infheistiú in áiseanna do dhaoine óga agus i gcláir in aghaidh an chiníochais, mar aon le seirbhísí sóisialta agus meabhairshláinte a neartú.
• Geilleagar Acmhainneach – Díriú ar gheilleagar dúchasach na hÉireann, agus gnólachtaí beaga, gnólachtaí nuathionscanta agus an nuálaíocht a chothú.