Ellen Murphy

Cuir aithne ar Ellen

Is mise Ellen Murphy, an t-iarrthóir Dála leis na Daonlathaithe Sóisialta i mBaile Átha Cliath Thiar. D’fhás mé aníos i mBaile Átha Cliath 15 agus tá cónaí orm anseo an chuid is mó de mo shaol. Tá an gníomhaíochas go smior ionam, agus d’oibrigh mé mar eagraí ceardchumainn agus mar bhall den fheachtas náisiúnta ‘Le Chéile ar son Tá’ roimhe seo.

Bhí Baile Átha Cliath Thiar ina áit iontach riamh le cónaí ann agus le clann a thógáil, ach tá deireadh nach mór tagtha le tithíocht inacmhainne sa cheantar le glúin anuas.

Tá forbairtí tithíochta nua i bhfad ródhaor ar dhaoine agus is beag rogha a bhíonn ag go leor againn ach fanacht sa seomra leapa a bhí againn riamh i dteach ár dtuismitheoirí, nó bogadh amach ón gceantar. Is deacra atá sé ag éirí cur fúinn inár gceantar dúchais mar gheall ar an mbrú atá ar áiteanna scoile, ar an easpa sárthacaíochta oideachais agus ar an infheistíocht ghann san iompar.

Tosaíochtaí Ellen

• Roghanna tithíochta inacmhainne agus sóisialta a mhéadú agus inrochtaineacht a chinntiú.
• Níos mó tacaíochta a chinntiú do leanaí a bhfuil riachtanais speisialta oideachais acu; tá taithí phearsanta agam ar a thábhachtaí atá an luath-idirghabháil agus, chuige sin, caithfear na córais tacaíochta a leathnú.
• Labhairt ar son seirbhísí bus níos minice agus traenacha níos déanaí, chomh maith le méadú trí chéile ar an nascacht idir ceantair áitiúla, go háirithe ag an deireadh seachtaine.
• A chinntiú go mbíonn teacht ar spásanna poiblí, cosúil le canálacha agus páirceanna, gan aird ar an leibhéal soghluaisteachta, agus an bhithéagsúlacht agus an timpeallacht máguaird á gcosaint ag an am céanna.
• Infheistíocht mhór in acmhainní pobail, cosúil le seirbhísí Naisc Áitiúil, aonaid shoghluaiste sláinte agus áiseanna spóirt agus áineasa.