Hugo Mills

Cuir aithne ar Hugo

Is é Hugo Mills an t-iarrthóir Dála leis na Daonlathaithe Sóisialta i nDún Laoghaire. Rugadh agus tógadh Hugo i nDún Laoghaire agus tuigeann sé na dúshláin atá roimh an gceantar – go háirithe an easpa tithíochta inacmhainne, an easpa áiteanna cúraim leanaí, seirbhísí spíonta do leanaí a bhfuil riachtanais speisialta acu agus fadhbanna le seirbhísí iompair. Cosúil le go leor daoine ina dtríochaidí, tá taithí dhíreach ag Hugo ar an tubaiste thithíochta agus é ina chónaí lena thuismitheoirí. Níl sé ceart ná cóir go bhfuil na daoine seo ag cailleadh amach tráth ar cheart dóibh a bheith ag forbairt a saoil ghairmiúil agus phearsanta. Níor cheart dúinn glacadh leis an ngéarchéim seo – caithfidh Hugo dúthracht le dul i ngleic léi. Fuair Hugo taithí phearsanta ar an gcóras lochtach cúraim nuair a bhí aire á tabhairt aige do dhuine muinteartha. Tá sé i bhfách an córas a athrú, amhail reachtaíocht a rith le ceart chun cúram baile a thabhairt isteach, rud a chuirfeadh ar chumas daoine faoi mhíchumas maireachtáil go neamhspleách, chomh maith le ceart chun seirbhísí míchumais – seachas é a bheith ina rogha bhreise. Is tábhachtaí le Hugo na géarchéimeanna aeráide agus bithéagsúlachta. Caithfear aird a thabhairt go práinneach ar bhrú tráchta, ar thruailliú agus ar an neamhaird atá á tabhairt ar spásanna glasa. D’fhill Hugo ar Éirinn le déanaí leis an dlí a chleachtadh tar éis dó na blianta a chaitheamh thar lear, áit ar thug sé faoi deara conas is féidir seirbhísí poiblí ardchaighdeáin a chur ar fáil go héifeachtúil. Tá an-fhonn air an t-eolas atá anois aige a chur i ngníomh le seirbhísí agus caighdeán na beatha ina phobal a fheabhsú.

Bhí mé páirteach san fheachtas ‘Le Cheile ar son Tá’ agus labhair mé ar son aisghairm an 8ú leasú, rudaí ba léiriú ar an dúthracht a chaithim le hathrú dearfach a bhaint amach. Tá mé ag seasamh sa toghchán d’fhonn dul i ngleic leis an ngéarchéim thithíochta, cúram dár ndaoine aosta a fheabhsú, agus sráideanna níos sábháilte a chinntiú. Is féidir linn sochaí níos cothroime, níos sábháilte agus níos córa a thógáil le chéile.

Tosaíochtaí Hugo

Déanfaidh mé mo dhícheall a chinntiú go n-infheistítear do chuid cánacha i rudaí tábhachtacha, cosúil leis na nithe seo a leanas:

• Tithíocht – Deireadh a chur le heaspa dídine agus tithíocht inacmhainne a bhaint amach.
• Cúram Leanaí – É a dhéanamh inacmhainne do theaghlaigh ach an méid áiteanna cúraim leanaí agus scoile a mhéadú.
• Sráideanna Níos Sábháilte – Tacú leis na Gardaí sábháilteacht phobail a chothú.
• Iompar Poiblí – Na roghanna do gach duine a fheabhsú agus a mhéadú.
• Cúram – Dínit agus tacaíocht do dhaoine breacaosta agus dóibh siúd faoi mhíchumas a chinntiú.