Eoin Ó Broin

Cuir aithne ar Eoin

Is mise Eoin Ó Broin, an t-iarrthóir Dála leis na Daonlathaithe Sóisialta i mBaile Átha Cliath Thiar Meán, agus is comhairleoir do Chluain Dolcáin ar Chomhairle Contae Bhaile Átha Cliath Theas mé faoi láthair.

D’fhás mé aníos i gCluain Dolcáin agus d’fhreastail mé ar Choláiste Chilliain. Bhí mé gníomhach sna Gasóga agus i gCumann Lúthchleas Gael an Chloigthí sular bhog mé ó bhaile le staidéar agus obair a dhéanamh i Luimneach, Gothenburg, an Ghinéiv agus i bPáras. Spreag an méid a thit amach thar lear mé le filleadh abhaile in 2017 agus bhí mé sásta a bheith sa bhaile.

Bhain mo ghairm bheatha le Samhaltú Córas Fuinnimh, ar cuid den innealtóireacht é. Fuair mé tuiscint ar an ngaol idir úsáid fuinnimh agus athrú aeráide mar gheall air sin, agus spreag sé mé le bheith dírithe ar réitigh. Is ceardchumannaí dúthrachtach freisin mé agus tá na fadhbanna a bhfuil oibrithe agus teaghlaigh thíos leo á dtabhairt chun solais agam ó toghadh chun Chomhairle Contae Bhaile Átha Cliath Theas mé in 2019.

Táim paiseanta faoi chur chuige daonlathach sóisialta a chruthú i leith tithíochta, cúram sláinte, cúram leanaí agus oideachais. Creidim, mar athair, i bpoblacht ina bhfuil gach duine cothrom, inar féidir le gach leanbh a lánchumas a bhaint amach, ina bhfuil áit chónaithe ag gach leanbh agus ina bhfuil saol cothrom agus inbhuanaithe i ndán dóibh. Tá na beartais, na daoine agus an paisean ag na Daonlathaithe Sóisialta a theastaíonn le tionchar marthanach dearfach a imirt ar ár bpobal agus ár dtír.

Is é an sprioc is mó atá agam sa pholaitíocht ná athrú a bhaint amach i réimsí na seirbhísí poiblí, an chomhshaoil agus na tithíochta.

Tosaíochtaí Eoin

• Sláinte – Is é Sláintecare an plean chun ár seirbhís lochtach sláinte a dheisiú agus
  le cúram sláinte uilíoch a bhaint amach.
• Oideachas – Ár gcóras oideachais a fheabhsú lena chinntiú go mbíonn teacht ag gach leanbh ar oideachas ardchaighdeáin.
• Tithíocht – Dul i ngleic leis an ngéarchéim thithíochta ach áiteanna cónaithe inacmhainne a sholáthar agus cíosaithe a chosaint.
• Cúram leanaí – Cúram leanaí inacmhainne a chinntiú ach na táillí a laghdú agus córas faoi úinéireacht phoiblí a thógáil.
• Aeráid – Dul i mbun gníomhú práinneach ar son na haeráide agus na bithéagsúlachta lenár spriocanna a bhaint amach agus leis an dúlra a chosaint.