Patricia Stephenson

Cuir aithne ar Patricia

Is mise Patricia Stephenson, an t-iarrthóir Dála leis na Daonlathaithe Sóisialta i gCeatharlach-Chill Chainnigh. Rugadh i mBéal Feirste mé agus is oibrí cabhrach idirnáisiúnta anois mé atá bunaithe i gCaisleán an Chomair. Chuir mé féin agus mo chéile fúinn ar theorainn Cheatharlach-Chill Chainnigh tar éis sé bliana a chaitheamh in Oirthear na hAfraice, agus rinneamar athchóiriú ar theachín tréigthe gar do cheantar mo mhuintire. Bhí áit chónaithe eile agam agus mé ar saoire le m’aintín agus m’uncail ar a bhfeirm nuair a bhí mé ag fás aníos. Rinne mé ceangal ansin le saol na tuaithe, rud a thaitníonn go mór liom go fóill. D’fhoghlaim mé trí m’obair nach bhfuil aon fhorbairt ann gan síocháin – in Éirinn, níl aon fhorbairt ann gan dínit. Tuigim na dúshláin a bhíonn roimh dhaoine gach lá, agus cuireann sé frustrachas agus fearg orm go bhfuil ag teip ar an stát seirbhísí maithe a sholáthar go fóill. Bhí blianta fada ag an stát le dul i ngleic leis na fadhbanna seo, ach tá rudaí ag éirí níos deacra do dhaoine, seachas níos fearr. Teastaíonn rialtas uainn a thacaíonn go cothrom le gach duine de na saoránaigh, a éisteann leo agus a labhraíonn leo, seachas rialtas a dhéanann a rogha rud. Tá go leor taithí agam ar abhcóideacht agus ar athmhuintearas trí m’obair mar thaidhleoir de chuid an AE.

Oibrím go dian, tá mé freagrúil, éifeachtúil agus ionbháúil agus is scileanna iad seo a úsáidfidh mé le hionadaíocht a dhéanamh do mhuintir Cheatharlach-Chill Chainnigh. Tá an ceartas sóisialta agus an dínit go smior ionam, rudaí a thugann an spreagadh dom iarracht a dhéanamh le teann díchill athrú bríoch a bhaint amach.

Tosaíochtaí Patricia

• Seirbhísí Poiblí – Tús áite a thabhairt d’infheistíocht i seirbhísí poiblí ardchaighdeáin.
• Tithíocht – Níos mó áiteanna cónaithe inacmhainne ar féidir le daoine ar meánioncam iad a cheannach.
• Sláinte – Cúram saor in aisce dochtúra do dhaoine i ngach aoisghrúpa a thabhairt isteach.
• Daoine Óga agus an Pobal – Níos mó infheistíochta in obair don ógra agus in áiseanna do dhaoine óga.
• An Aeráid – Beartais nach bhfágann daoine ar lár – aistriú glas a thugann cothrom na Féinne d’fheirmeoirí