Rory Hearne

Cuir aithne ar Rory

Is mise Rory Hearne, an t-iarrthóir Dála leis na Daonlathaithe Sóisialta i mBaile Átha Cliath Thiar Thuaidh. Roghnaíodh mar iarrthóir na nDaonlathaithe Sóisialta i mBaile Átha Cliath Thiar Thuaidh mé le teacht in ionad an TD Róisín Shortall, atá le héirí as. Tá cónaí orm féin agus ar mo bhean chéile i dTuaisceart Bhaile Átha Cliath le breis agus 20 bliain anuas. Athair le ceathrar leanaí mé agus creidim gur cheart go mbeadh gach leanbh in Éirinn in ann barr a gcumais a bhaint amach, gur cheart go mbeadh áit chónaithe ag gach leanbh agus gur cheart go mbeadh todhchaí chothrom agus inbhuanaithe i ndán dóibh. Tá mé i mbun feachtasaíochta ar cheist na géarchéime tithíochta le blianta beaga anuas, ag labhairt amach ar son na ndaoine siúd nach bhfuil d’acmhainn acu teach dá gcuid féin a cheannach. Ollamh Comhlach mé ag Ollscoil Mhá Nuad agus tá saineolas fairsing agam ar chúrsaí tithíochta, easpa dídine agus beartas sóisialta, agus tá an-chuid scríofa agam maidir le réitigh fhéideartha ar ghéarchéim thithíochta na hÉireann. Tá an fhís chéanna agam agus atá ag Róisín do shochaí agus do gheilleagar a oibríonn do chách. Ní raibh an oiread seo airgid againn riamh mar thír, ach tá na géarchéimeanna sóisialta ag dul in olcas i gcónaí – idir thithíocht, easpa dídine, chostais mhaireachtála agus neamhionannas.

Caithfidh mé dúthracht le hobair ar son mhuintir Bhaile Átha Cliath Thiar Thuaidh chun Éire níos fearr agus níos cothroime a chruthú. Teastaíonn réitigh nua agus polaitíocht nua uainn. Tá na beartais, na daoine agus an paisean ag na Daonlathaithe Sóisialta le lorg dearfach a mhairfidh i bhfad a fhágáil ar ár bpobal agus ár dtír.

Tosaíochtaí Rory

• Tithíocht – An ghéarchéim thithíochta a réiteach don ghlúin nach féidir leo a dtithe féin a cheannach agus deireadh a chur le heaspa dídine.
• Seirbhísí Poiblí – Seirbhísí poiblí a chinntiú a oibríonn do gach duine (cúram sláinte, meabhairshláinte, oideachas, cúram leanaí, seirbhísí míchumais, iompar, áiseanna pobail).
• An Aeráid – Todhchaí inbhuanaithe a chinntiú dár leanaí go léir ach fíorghníomhú ar son na haeráide agus infheistíocht a dhéanamh in aistriú atá cóir ó thaobh cúrsaí sóisialta de.
• Aistriú Cóir – A chinntiú go mbaineann gach duine tairbhe as an aistriú go geilleagar atá saor ó charbón.
• Síocháin agus Ceartas – Tacú leis an tsíocháin agus deireadh a chur leis an gcinedhíothú in Gaza.